(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.295. అధ్యాయః 295
Mahabharata - Shanti Parva - Chapter Topics
భీష్మేణ యుధిష్ఠిరంప్రతి భార్గవచరిత్రకథనం॥ 1॥
Mahabharata - Shanti Parva - Chapter Text

యుధిష్ఠిర ఉవాచ। 12-295-0x(6436)(77300)
తిష్ఠతే మే సదా తాత కౌతూహలమిదం హృది।
తదహం శ్రోతుమిచ్ఛామి త్వత్తః కురుపితామహ॥ 12-295-1(77301)
కథం దేవర్షిరుశనా సదా కావ్యో మహామతిః।
అసురాణాం ప్రియకారః సురాణామప్రియే రతః॥ 12-295-2(77302)
వర్ధయామాస తేజశ్చ కిమర్థమమితౌజసాం।
నిత్యం వైరనిబద్ధాశ్చ దానవాః సురసత్తమైః॥ 12-295-3(77303)
కథం చాప్యుశనా ప్రాప శుక్రత్వమమరద్యుతిః।
ఋద్ధిం చ స కథం ప్రాప్తః సర్వమేతద్బ్రవీహి మే॥ 12-295-4(77304)
న యాతి చ స తేజస్వీ మధ్యేన నభసః కథం।
ఏతదిచ్ఛామి విజ్ఞాతుం నిఖిలేన పితామహ॥ 12-295-5(77305)
భీష్మ ఉవాచ। 12-295-6x(6437)
శృణు రాజన్నవహితః సర్వమేతద్యథాతథం।
యథామతి యథా చైతచ్ఛ్రుతపూర్వం మయాఽనఘ॥ 12-295-6(77306)
ఏష భార్గవదాయాదో మునిర్మాన్యో దృఢవ్రతః।
సురాణాం విప్రియకరో నిమిత్తే కారణాత్మకే॥ 12-295-7(77307)
ఇంద్రోఽథ ధనదో రాజా యక్షరక్షోధిపః సదా।
ప్రభవిష్ణుశ్చ కోశస్య జగతశ్చ తథా ప్రభుః॥ 12-295-8(77308)
తస్యాత్మానమథావిశ్య యోగసిద్ధో మహామునిః।
రుద్ధ్వా ధనపతిం దేవం యోగేన హృతవాన్వసు॥ 12-295-9(77309)
హృతే ధనే తతః శర్మ న లేభే ధనదస్తథా।
ఆపన్నమన్యుః సంవిగ్నః సోభ్యగాత్సురసత్తమం॥ 12-295-10(77310)
నివేదయామాస తదా శివాయామితతేజసే।
దేవశ్రేష్ఠాయ రుద్రాయ సౌంయాయ బహురూపిణే॥ 12-295-11(77311)
యోగాత్మకేనోశనసా రుద్ధ్వా మమ హృతం వసు।
యోగేనాత్మగతం కృత్వా నిఃసృతశ్చ మహాతపాః॥ 12-295-12(77312)
ఏతచ్ఛ్రుత్వా తతః క్రుద్ధో మహాయోగీ మహేశ్వరః।
సంరక్తనయనో రాజఞ్శూలమాదాయ తస్థివాన్॥ 12-295-13(77313)
క్వాసౌ క్వాసావితి ప్రాహ గృహీత్వా పరమాయుధం।
ఉశనా దూరతస్తస్య హ్యభూజ్జ్ఞాత్వా చికీర్షితం॥ 12-295-14(77314)
స మహాయోగినో బుద్ధ్వా తం రోషం వై మహాత్మనః।
గతిమాగమనం వేత్తి స్థానం చైవ తతః ప్రభుః॥ 12-295-15(77315)
సంచింత్యేగ్రేణ తపసా మహాత్మానం మహేశ్వరం।
ఉశనా యోగసిద్ధాత్మా శూలాగ్రే ప్రత్యదృశ్యత॥ 12-295-16(77316)
విజ్ఞాతరూపః స తదా తపః సిద్ధోఽథ ధన్వినా।
జ్ఞాత్వా శూలం చ దేవేశః పాణినా సమనామయత్॥ 12-295-17(77317)
ఆనతేనాథ శూలేన పాణినామితతేజసా।
పినాకమితి చోవాచ శూలముగ్రాయుధః ప్రభుః॥ 12-295-18(77318)
పాణిమధ్యగతం దృష్ట్వా భార్గవం తముమాపతిః।
ఆస్యం వివృత్య భ్రకుటిం పాణిం సంప్రాక్షిపచ్ఛనైః॥ 12-295-19(77319)
స తు ప్రవిష్ట ఉశనా కోష్ఠం మాహేశ్వరం ప్రభుః।
వ్యచరచ్చాపి తత్రాసౌ మహాత్మా భృగునందనః॥ 12-295-20(77320)
యుధిష్ఠిర ఉవాచ। 12-295-21x(6438)
కిమర్థం వ్యచరద్రాజన్నుశనా తస్య ధీమతః।
జఠరే దేవదేవస్య కించాకార్షీన్మహాద్యుతిః॥ 12-295-21(77321)
భీష్మ ఉవాచ। 12-295-22x(6439)
పురా సోఽంతర్జలగతః స్థాణుభూతో మహావ్రతః।
వర్షాణామభవద్రాజన్ప్రయుతాన్యర్బుదాని చ॥ 12-295-22(77322)
ఉదతిష్ఠత్తపస్తప్త్వా దుశ్చరం చ మహాహ్రదాత్।
తతో దేవాతిదేవస్తం బ్రహ్మా వై సమసర్పత॥ 12-295-23(77323)
తపోవృద్ధిమపృచ్ఛచ్చ కుశలం చైవమవ్యయః।
తపః సుచీర్ణమితి చ ప్రోవాచ వృషభధ్వజః॥ 12-295-24(77324)
తత్సంయోగేన వృద్ధిం చాప్యపశ్యత్స తు శంకరః।
మహామతిరచింత్యాత్మా సత్యధర్మరతః సదా॥ 12-295-25(77325)
స తేనాఢ్యో మహాయోగీ తపసా చ ధనేన చ।
వ్యరాజత మహారాజ త్రిషు లోకేషు వీర్యవాన్॥ 12-295-26(77326)
తతః పినాకీ యోగాత్మా ధ్యానయోగం సమావిశత్।
ఉశనా తు సముద్విగ్నో నిలిల్యే జఠరే తతః॥ 12-295-27(77327)
తుష్టావ చ మహాయోగీ దేవం తత్రస్థ ఏవ చ।
నిఃసారం కాంక్షమాణః స తేన స్మ ప్రతిహన్యతే॥ 12-295-28(77328)
ఉశనా తు తథోవాచ జఠరస్థో మహామునిః।
ప్రసాదం మే కురుష్వేతి పునః పునరరిందం॥ 12-295-29(77329)
తమువాచ మహాదేవో గచ్ఛ శిశ్నేన మోక్షణం।
ఇతి సర్వాణి స్రోతాంసి రుద్ధ్వా త్రిదశపుంగవః॥ 12-295-30(77330)
అపశ్యమానస్తద్ద్వారం సర్వతః పిహితో మునిః।
పర్యక్రామద్దహ్యమాన ఇతశ్చేతశ్చ తేజసా॥ 12-295-31(77331)
స వై నిష్క్రంయ శిశ్నేన శుక్రత్వమభిపేదివాన్।
కార్యేణ తేన నభసో నాధ్యగచ్ఛత మధ్యతః॥ 12-295-32(77332)
`తత ఏవ చ దేవేషు అప్రవిష్టో మహామునిః।
పౌరోహిత్యం చ దైత్యానాం శక్రతేజోవివృద్ధయే॥' 12-295-33(77333)
వినిష్క్రాంతం తు తం దృష్ట్వా జ్వలంతమివ తేజసా।
భవో రోషసమావిష్టః శూలోద్యతకరః స్థితః॥ 12-295-34(77334)
అవారయత తం దేవీ క్రుద్ధం పశుపతిం పతిం।
పుత్రత్వమగమద్దేవ్యా వారితే శంకరే చ సః॥ 12-295-35(77335)
దేవ్యువాచ। 12-295-36x(6440)
హింసనీయస్త్వయా నైవ మమ పుత్రత్వమాగతః।
న హి దేవోదరాత్కశ్చిన్నిఃసృతో నాశమర్హతి॥ 12-295-36(77336)
తతః ప్రీతో భవో దేవ్యాః ప్రహసంశ్చేదమబ్రవీత్।
గచ్ఛత్వేష యథాకామమితి రాజన్పునః పునః॥ 12-295-37(77337)
తతః ప్రణంయ వరదం దేవం దేవీముమాం తథా।
ఉశనా ప్రాప తద్ధీమాన్గతిమిష్టాం మహామునిః॥ 12-295-38(77338)
ఏతత్తే కథితం తాత భార్గవస్య మహాత్మనః।
చరితం భరతశ్రేష్ఠ యన్మాం త్వం పరిపృచ్ఛసి॥ ॥ 12-295-39(77339)

ఇతి శ్రీమన్మహాభారతే శాంతిపర్వణి మోక్షధర్మపర్వణి పంచనవత్యధికద్విశతతమోఽధ్యాయః॥ 295॥

Mahabharata - Shanti Parva - Chapter Footnotes

12-295-3 వర్ధయామాస చిచ్ఛేద। అమితౌజసాం దేవానాం॥ 12-295-4 శుక్రత్వం శుక్రోత్పన్నత్వం॥ 12-295-5 తస్యాకాశగతిః కుతః కుంఠితేత్యర్థః॥ 12-295-7 కారణా క్రియా తదాత్మకే నిమిత్తే సతి॥ 12-295-8 ఇంద్రో జగతః॥ 12-295-9 తస్య ధనదస్య। ఆత్మానం శరీరం॥ 12-295-10 ఆపన్నమన్యుః ప్రాప్తదైన్యః॥ 12-295-17 సః శుక్ర। ధన్వినా రుద్రేణ। శూలం శుక్రయుతం। తపస్సిద్ధేన చక్షుషేతి థ. పాఠః। తపస్సిద్ధేన చేతసేతి ధ. పాఠః॥ 12-295-20 కోష్ఠముదరం॥ 12-295-21 వ్యచరదేవ నత్వన్నవనీర్ణతాం గతః। కించ తాదృశమకార్షీత్తప ఇతి శేషః॥ 12-295-26 స శుక్రః॥ 12-295-27 నిలిల్యే నితరాం గతిం జగామ బభ్రామేత్యర్థః॥ 12-295-28 నిఃసారం నిర్గమం। తేన రుద్రేణ॥ 12-295-32 తేన శిశ్రాన్నిర్గమనేన కార్యేణ నిమిత్తేన॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.